Në ndryshim nga Meghan Markle dhe princ Harry, të cilët jo në pak raste kanë shfaqur dashurinë e tyre në publik, dukesha e Cambridge Kate Middleton dhe William, kanë zgjedhur të kenë një profil më të rezervuar, edhe pse historia e tyre është e denjë për një skenar përrallash.
Princi William dhe dukesha Kate janë takuar për herë të parë kur studionin në universitetin “St.Andrews”. Në fillim, ata kanë qenë miq të mirë, por më pas kuptuan se nuk mund të rrrini larg njëri-tjetrit.
Gjithçka mes tyre ndyshoi kur Kate mori pjesë në një sfilatë mode në universitet. William pagoi 200 dollarë biletë vetëm për ta parë dhe gjatë asaj mbrëmje, kur Kate, një studente sportive dhe e turpshme që studionte histori arti sfiloi, princi William i pëshpëriti në vesh shokut të tij “Qenka shumë e nxehtë”.
Nga dy shokë të mirë, ata u bënë të dashur.
Çifti e mbajti të fshehtë raportin e tyre, derisa paparazzi-t i fotografuan në vitin 2004 duke bërë ski në Skoci. Princi William dhe Kate Middleton u diplomuan në universitetin ”St.Andrews” në vitin 2005.
Princi filloi karrierën e tij ushtarake në ”Sandhurst”, ndërsa Kate arriti një punë në Jigsaw si menaxhere shitjesh. Punët e ndryshme të çiftit nënkuptonin se ata ishin në një marrëdhënie të gjatë në distancë dhe nuk po shiheshin më me njeri-tjetrin.
Princi William ka treguar në një intervistë për ”ABC News” se edhe lidhja e tyre ka kaluar disa prova të vështira. William ka folur rreth një ndarje të shkurtër që ka pasur me Kate në 2007-ën. Ai rrëfeu se ishin shumë të vegjël dhe i dukej shumë herët për t’i marrë gjërat kaq seriozisht.
Për fat të mirë, ndarja nuk zgjati shumë. Ata brenda atij viti u bashkuan sërish.
Në tetor të vitit 2010, William i propozoi Kate gjatë një udhëtimi në Kenia. Më pas vendosën unazat dhe Kate u bë pjesë e familjes mbretërore zyrtarisht.
29 prill 2011 ishte dhe data që u shënua në librat e historisë, Kate u bë zyrtarisht dukesha e Cambridge.
Me një fustan rrëzëllitës dhe një buzëqeshje të ëmbël, ajo bashkë me njerun që kishte zgjedhur të ndante jetën, parakaluan përpara altarit.
Martesa e tyre u cilësua si ngjarja më e ndjekur në televizione në të gjithë botën. Sot çifti jetojnë të lumtur dhe kanë krijuar një familje, që sa vjen e po bëhet më e madhe.
