Hetohet zyrtari i VMRO-së

Me urdhër të shefes së Prokurorisë Speciale në Maqedoni, Katica Janeva, ka nisur një hetim ndaj një prej drejtuesve më të lartë të Agjencisë Shtetërore të Rrugëve në Maqedoni. Lajmin e bëjnë me dije mediat vendase, të cilat thonë se zyrtari i lartë vjen nga radhët e partisë VMRO-DPMNE. Hetuesit kanë zhvilluar kontrolle në zyrat e kësaj agjencie, dhe sipas mediave dyshohet se po mbledhin dokumentacione për ndërtimin e disa autostradave nga kompani kineze, që janë përmendur edhe në të ashtuquajturin “skandal i përgjimeve”, ku të përfshirë kanë qënë dhe ish-kryeministri Gruevski e ish-Ministri i Transporteve Janakievski. Falje që Presidenti i vendit Ivanov u ka bërë zyrtarëve të lartë që janë në proces hetimi ka sjellë dhe krizën e thellë politike në Maqedoni.