Detaje të reja janë zbuluar nga hetimet që po zhvillon SPAK në lidhje me kryetarin e Bashkisë së Tiranës, Erion Veliaj.
Krahas kryebashkiakut të pandehur janë marrë 30 persona dhe shoqëri fizike, mëson gazetarja e Vizion Plus Blerina Cene.
SPAK i ka komunikuar akuzën dhe Klotilda Bushkës, ish deputete e PS-së. Bushka akuzohet për pengime që pengojnë zbardhjen e së vërtetës.
Erion Veliaj u arrestua me 10 shkurt nën dyshimet se kishte krijuar një skemë të mirëfilltë korrupsioni. SPAK pretendon se korrupsioni kryhej përmes një rrjeti të komplikuar transaksionesh bankare dhe krijimit të disa shoqërive që kontrolloheshin direkt apo indirekt nga bashkëshortja e kryebashkiakut të Tiranës për të qarkulluar para publike, në mënyrë që t’i bënin të ligjshme.
Një javë më parë, Gjykata e Lartë i tha jo lirimit të tij nga qelia e paraburgimit të Durrësit. Tashmë beteja e tij për masën e sigurisë pritet të zhvendoset në Kushtetuese, ndërsa fatin e tij pas mbylljes së hetimeve do ta ketë në dorë Gjykata e Posaçme.
/vizionplus.tv
