Hetimet për vrasësin e Mynihut

Personi qe vrau 9 vete dhe plagosi 27 te tjere ne qendrën tregtare “Olimpia” ne Mynih përpara se te vetëvritej eshte identifikuar, por hetimet per motivet e ketij sulmi tragjik vazhdojnë. Ai është 18-vjeçari David Sonboly, gjermano-iranian, bir i nje taksisti qe jetonte prej dy vitesh ne kete qytet. Gjate se premtes ai hapi zjarr me nje pistolete ndaj disa personave, duke thirrur: Jam gjerman. Sipas informacioneve te bera publike nga shefi i policisë se Mynihut, sulmi nuk ka sfond terrorist.
Vrasesi ka vepruar i vetem. Ai ishte i fiksuar pas vrasjeve masive dhe nuk rezulton te kete pasur lidhje me shtetin islamik. Pas sulmit, agresori është vetëvrare rreth 1 km larg vendit te ngjarjes me plumb ne koke. 18-vjeçari qe merrte trajtim per shkak te problemeve me depresionin i ka joshur viktimat përmes nje njoftimi ne nje faqe te rreme ne Facebook, ku i ftonte te shkonin per te ngrëne falas ne nje pike McDonald, ku ndodhi edhe sulmi. Ngjarja përkoi me 5-vjetorin e masakrës se Utojes ne Norvegji dhe besohet se 18-vjeçari ka kopjuar autorin e saj Anders Behring Breivik. Ne video vrasësi shfaqet duke komunikuar me nje person qe gjendej ne ballkonin e nje pallati prane dyqanit McDonald. Ai shkëmben sharje e fyerje me te dhe ankohet se prej 7 vitesh ka qene pre e ngacmimeve, dhe se tani qe ka nje arme ne dore do te vrase. Nuk dihet ende sesi autori kishte siguruar armen per te cilën nuk kishte leje dhe sasine prej 300 fishekësh. Pas kesaj ngjarjeje te rende qe tronditi vendin kancerlaja gjermane Merkel shprehu dhimbjen e thelle për viktimat.
“Ne jemi ne zi për te gjithë ata qe nuk do te kthehen me tek familjet e tyre. Familjeve, prindërve dhe fëmijëve qe e sotmja u duket e pakuptimte, u them personalisht edhe ne emer te shume njerëzve se ndajmë dhimbjen tuaj dhe vuajmë me ju. Ne do te zbulojmë çfarë qëndron pas sulmit, nuk do te dorëzohemi derisa te dimë gjithçka, shteti do te beje çdo gje per te garantuar sigurinë dhe lirinë e te gjithëve”.
Nga e gjithë bota mbërritën mesazhe solidariteti me Gjermaninë ne keto ore te vështira per vendin.