Pas masakrës ne klubin e natës te frekuentuar nga homoseksuale ne Orlando te SHBA, policia po heton mbi lidhjet e mundshme te vrasësit Omar Mateen me shtetin islamik. ISIS mori pergjegjesine e sulmit ku gjeten vdekjen 50 persona dhe u plagosen dhjetëra te tjerë. Njoftimin e përcolli agjencia e lajmeve Amaq, e afërt me te. Ndërsa vete autori 30 vjeçar i masakrës kishte telefonuar numrin e emergjencës, ku kishte shprehur besnikërinë ndaj liderit te shteti islamik, Abu Bakr Al Bagdadi dhe kishte përmendur edhe sulmuesit e maratonës se Bostonit te vitit 2013. Agjentet e FBI-se po hetojnë lidhjet e mundshme qe Mateen mund te kete pasur brenda dhe jashtë vendit. Ai kishte qene dy here nen hetim nga kjo agjenci vitet e fundit pas te dhënave se mbështesë grupe militante, por per te nuk ishte zbuluar asgjë dhe nuk ishte ne listën e te vëzhguarve per terrorizëm. Mateen punonte per firmën me te madhe te sigurisë ne bote, G4S qe nga viti 2007 dhe per shkak te detyrës mbante nje arme. I ati tregoi se ngjarja nuk ka lidhje me besimin, por se i biri ishte zemëruar kur kishte pare dy burra te putheshin. Ndërsa ish-bashkëshortja tregoi se ai kishte pasur probleme mendore dhe ishte i dhunshëm. Masakra e Floridës tronditi edhe politiken amerikane. Presidenti Obama e cilësoi ngjarjen një akt terrori dhe zemërimi, por kandidati per Shtëpinë e Bardhe, Donald Trump kërkoi dorëheqjen e Obames, qe sipas tij nuk e lidhi ketë ngjarje me islamin radikal. Obama u tregua i ndrojtur pasi refuzoi te përmendte fjalët islami radikal. Edhe Klinton duhet te largohet nga gara nëse nuk i përmend ato fjale, thuhet ne deklaratën e Trump. Nisur nga kjo ngjarje ai iu rikthye edhe çështjes se ndalimit te emigranteve muslimane.
“Ky është vetëm fillimi. Lidershipi yne është i dobët dhe joefektiv. Unë kërkova ndalimin e tyre”.
Por nga kampi i Clinton u kundërpërgjigjen duke thëne se Trump e politizoi ketë ngjarje.
