Policia nuk ka ende asnjë emër te dyshuar per grabitjen e nje kazinoje mbrëmjen e te premtes ne lagjen “Komuna e Parisit”, një nder zonat me te populluara ne kryeqytet. Nga hetimet e deritanishme rezulton se agresoret me maska e te armatosur grabiten rreth 500 mije leke dhe janë larguar me nje makine te bardhe. Por autoret dyshohet se kane ndërruar mjet per t’i shpëtuar ndjekjes se policisë. Hetuesit mendojnë se grabitësit e njohin mire zonën, ndërkohe qe kane shoqëruar disa persona ne polici si dhe janë marre pamjet filmike te kamerave te sigurisë. Krimi ndodhi rreth orës 20.45 te se premtes, kur personat e maskuar e me arme ne duar hynë me shpejtësi ne kazino dhe morën leket e xhiros. Një grabitje e ngjashme ndodhi ne nje supermarket ne Lezhe, ku ketë radhe ishin tre persona te veshur si police, qe morën 2 milionë leke.
