Nëndrejtoresha e shkollës “Harry Fultz”, u thirr nga Prokuroria e Posaçme për të dëshmuar për hetimet ndaj Belind Këlliçit.
Brikena Baxhaku qëndroi në SPAK përreth 1 orë e 40 minuta.
Për mediat ajo konfirmoi se ishte thirrur për tu marrë në pyetje për diplomën e Belind Këlliçit, por refuzoi t’u përgjigjet pyetjeve të gazetarëve nëse ish- deputeti i ka përfunduar studimet e plota.
Demokrati Belind Këlliçi është kallëzuar në SPAK nga Avokati Idajet Beqiraj për falsifikim të diplomës së gjimnazit.
Më 26 dhjetor të vitit të kaluar ai u mor në pyetje nga SPAK për 2 orë rresht për të dhënë shpjegime për hetimet që prokurori Elvin Gokaj po bën për të.
