Heqja e sanksioneve ndaj Iranit

Pas heqjes së sanksioneve nga ana e Kombeve të Bashkuara, Irani ka vendosur të blejë 114 avionë tip boing tek prodhuesit amerikanë dhe ata evropianë. Lajmi është konfirmuar nga zv/ministri i transporteve në një intervistë për agjencinë reuters. Kontrata mes zyrtarëve të airbus dhe presidentit iranian Ruhani do të firmoset gjatë vizitës së këtij të fundit të mërkurën në Paris. Blerja e mbi 100 avionëve, pritet të sjellë një hov të ri ekonomik, si për Iranin ashtu dhe për shtetet evropiane e ato amerikane, pasi krahas investimit kolosal shtohet fluksi i qarkullimit të qytetarëve drejt këtyre vendeve. Një javë më parë Kombet e Bashkuara dhe Irani njoftuan hyrjen në fuqi të marrëveshjes që shfuqizon sanksionet e perëndimit për naftën iraniane dhe bizneseve të tjera të këtij shteti. Në këmbim Teherani zyrtar do të mundësojë monitorimin e programit bërthamor nga ana e ekspertëve të huaj.