Të paktën 150 persona janë helmuar në qytetin e Peshkopisë. Sipas të dhënave paraprake, mësohet se helmimi ka ardhur pas konsumit të tortave të cilat janë marrë nga e njejta pastiçeri.
Policia ka nisur hetimet për zbardhjen e shkaqeve të helmimit.
Drejtoria e Shëndetit Publik me konstatimin e rastit ka marrë mostrat dhe i ka dërguar në Tiranë. Në bashkëpunim me inspektoriatin e sigurisë ushqimore ka bllokuar pastiçerinë ku dyshohet se janë shitur tortat.
Drejtori i spitalit të Peshkopisë, Beqir Bici, ka thënë se gjendja e personave të helmuar është në kontroll.
Bici tha se janë duke u bërë analizat toksike dhe janë duke pritur përgjigjet për të zbuluar burimin e helmimit të qytetarëve, nga uji apo ndonjë ushqim apo faktor tjetër.
