Helmimi masiv në Krujë, pezullohen dhe vihen nën hetim tre zyrtarë (Emrat)

Prokuroria e Krujës ka marrë nën hetim tre persona në lidhje me helmimin e rreth 600 banorëve të shkaktuar nga ndotja e ujit.

Bëhet fjalë për Ledio Çela, administrator i Ujësjellës Kanalizime në Krujë, Andi Kupa, drejtues Teknik dhe Ervin Karafili, shef i Shërbimit të Epidemologjisë dhe Higjenës në Krujë.

Të tre këta persona dyshohen se janë përgjegjës për kryerjen e veprës penale “Shpërdorim i Detyrës” që me veprimet e tyre kanë lejuar ndotjen e ujit të pijshëm dhe dëmtimin e shëndetit të qytetarëve të Krujës.