Drejtuesi politik për Shkodrën, Helidon Bushati zhvilloi këtë të martë një bashkëbisedim me të rinjtë e këtij qyteti, ku folën kryesisht për shqetësimet dhe problematikat me të cilat ata ndeshen.
Ndërsa prezantoi programin e PD-së, Bushati akuzoi qeverinë se nuk ka bërë asgjë për të të rinjtë shkodranë dhe jo vetëm.
Ai iu bëri thirrje të rinjve që të qëndrojnë në vend dhe të japin kontributin e tyre.
Helidon Bushati: Programi i Partisë Demokratike do të fokusohet tek rinia, por po e them këtu në përgjithësi e shikon si familje si pjesën kryesore sëbashku me rininë të programit. Sepse duke u zhvillu familja, duke u forcu ekonomia familjare , duke u rrit mirëqënia e familjeve zhvillohet edhe shoqëria. Tek pjesa e rinisë, ne kemi parashiku masa ndihmese edhe për ato që ….si fillim të qëndrojnë në Shqipëri. Bursa studimi, janë 5 mijë bursa të plota studimi për familjet në nëvoj. Do të jenë taksa 0 për familjet që kanë deri në 650 mijë lekë të vjetra të ardhura. Pse kjo? Që me i dhan mundësi kujdo të shkojnë dhe të studiojnë , dmth asnjëri nuk duhet të humbas shkollën vetëm për fatin e keq që të ardhurat familjare janë të ulta.
