“Hashash në grykën e Sopotit”

Akuzave të njëpasnjëshme të ish-kryeministrit Sali Berisha për kultivimin e kanabisit në grykën e Sopotit, ministri i Brendshëm Sajmir Tahiri i është përgjigjur me publikimin e disa fotografive aktuale të zonës. Përmes një statusi në faqen zyrtare në facebook, Tahiri thotë se Berisha gënjen dhe shpif pa hesap. “Është mjaftueshëm për të kuptuar përpjekjen e tyre për të na penguar me çdo lloj akuze e shpifje. Është mjaftueshëm për të kuptuar ku ndahet e shkuara nga e tashmja”. Sipas Tahirit, fotoja e Berishës qe tregon hashashin i takon qeverisjes se tij, ndërsa sot, gryka e Sopotit është pastruar nga bimët narkotike.