Rruga Ballkanike nuk do te hapet. Qeveria greke ka këshilluar mijëra emigrante te bllokuar ne kampin ne Idomeni te mos u besojnë informacioneve qe qarkullojnë ditët e fundit, ndërsa po vendos përkthyes dhe altoparlantë ne kufirin me Maqedoninë. Me shume se 15 mije njerëz, thuajse nje e treta e emigranteve qe ndodhen ne Greqi, refuzojnë te strehohen ne qendrat e ngritura nga autoritetet, me shpresën se kufijtë do te hapen nje dite. Qendra e koordinimit te emigracionit u ka kërkuar refugjateve te mos bien pre e gënjeshtrave ne fletushka apo thashethemeve, qe përhapën ne mediat sociale. Nje nder rrugët e përfolura qe do te hapej per te vijuar udhëtimin drejt Europes veriore ishte ajo përmes Shqipërisë. Spekulimet janë shtuar mes emigranteve qe ndodhen ne presion e po jetojnë ne kushte te vështira.
“Ne duam te dimë se kush i shpërndan këto fletëpalosje, qe te vendosim se çfarë do te bëjmë. Nëse nuk është burim i besueshëm nuk kemi si te largohemi. Duket sikur po mbytemi. Po jetojmë ne nje burg te hapur, por nuk dimë si te dalim”.
Edhe agjencia e OKB per Refugjatet, UNHCR, po përpiqet te binde emigrantet te mos u besojnë informacioneve te përhapura. Pak kohe me pare, qindra refugjate qe gjendeshin ne kampin e Idomenit u kthyen mbrapsht nga policia maqedonase, pasi kaluan nje lume dhe hynë ne token maqedonase.
