Kryeministri në detyrë Ramush Haradinaj këtë të martë është takuar me kreun e Nisma-s, Fatmir Limaj, ku ka diskutuar për mundësinë e hyrjes në koalicion parazgjedhor.
Haradinaj pas përfundimit të takimit në një prononcim për gazetarët është shprehur se kanë biseduar për mundësinë e bashkëpunimit, sikurse me PSD-në, por që ka theksuar se ende nuk janë dakorduar për ndonjë marrëveshje.
Mirëpo për dallim nga AAK-ja, zyrtarët e Nismas kanë mohuar të jetë diskutuar për koalicion të mundshëm mes këtyre dy subjekteve.
Ndërkohë nnjë ditë më parë partia e Ramush Haradinaj ka zyrtarizuar marrëveshjen për koalicion parazgjedhor me Partinë Socialdemokrate të Shpend Ahmetit.
