Kryeministri i vendit, Ramush Haradinaj vijon të këmbëngulë në idene dhe qëndrimet e tij në lidhje me taksën dhe dialogun.
Ai ka qenë pjesë e akademisë përkujtimore për heroin Enver Hadri, ku ka thënë se duhet të merret shembulli i Hadrit që të mos përsëritet historia e ndarjes duke theksuar se Kosova nuk jep tokë në këmbim të njohjes.
“Dialogu për normalizimin e marrëdhënieve ndërmjet Kosovës dhe Serbisë është devijuar nga disa qarqe në Kosovë dhe Bruksel duke u shëndrruar në dialog për territore. Prandaj sot na duhet shembull i heroit tonë Enver Hadrit që të mos përsëritet historia”.
Ndër të tjera në fjalën e tij shefi i qeverisë ka shtuar se Kosova nuk jep tokë për njohje dhe se taksa 100 për qind është veprim që pengon fromalizimin e një ndarje.
“Kosova nuk jep tokë për njohje edhe nëse ky është çmimi, Kosova nuk ka nevojë për njohje nga Serbia”.