Haradinaj: Heronjtë amerikanë janë edhe heronj të Kosovës

Në 100 vjetorin e armëpushimit që rezultoi me përfundimin e Luftës së Parë Botërore, kryeministri i vendit, Ramush Haradinaj, ka kujtuar viktimat dhe veteranët e luftës së SHBA-ve.

Përmes një postimi në Facebook, Haradinaj shkruan se heronjtë amerikanë janë edhe heronjë të Kosovës.

“Me rastin e 11 Nëntorit-Ditës së Veteranit, përkujtojmë guximin dhe sakrificën e veteranëve të luftës së Shteteve të Bashkuara të Amerikës. Në mbrojtje të vendit të tyre dhe kombeve tjera, ata i sollën botës lirinë dhe paqen. Republika e Kosovës mbetet përherë mirënjohëse ndaj ShBA-së për kontributin e saj të jashtëzakonshëm në çlirimin dhe ngritjen e vendit tonë. Heronjtë amerikanë janë edhe heronj të Kosovës.”