Kryeministri i vendit, Ramush Haradinaj, ka komentuar dorëheqjen e katër kryetarëve serbë të komunave, ku theksoi se ky nuk është një vendim përfundimtar.
Haradinaj këto komente i ka bërë tek varri i ish-presidentit të Kosovës, Ibrahim Rugova.
“Dorëheqjet janë e drejtë e të zgjedhurve dhe kryetarëve. Nuk e di a do të kualifikohet kjo si e tillë. Ato nuk janë definitive, dhe ne jemi duke i shqyrtuar”.
Kujtojmë se dorëheqje dhanë kryetari i komunës së Mitrovicës së Veriut, Zveçanit, Zubin Potokut dhe Leposaviçit.