Kryeministri i Kosovës Ramush Haradinaj deklaroi se prioritet i Qeverisë mbetet luftimi i ekstremizmit të dhunshëm dhe radikalizmit, prandaj institucionet e vendit duhet t’i bashkërendojnë aktivitetet, me qëllim që askush të mos i mbyllë sytë para dukurive që rrezikojnë qytetarët e vendit.
“I japim rëndësi të madhe fuqizimit të rolit të mekanizmave ligjorë në drejtim të luftimit të këtij fenomeni. Shumë e rëndësishme është mbështetja dhe bashkëpunimi I të gjithë partnerëve të mundshëm. Nuk mund të lejohen më idetë ekstremiste që çojnë drejt terrorizmit dhe as propaganda e tyre. Duhet të jemi të vendosur që të parandalojmë çdo element të mundshëm që çon në terrorizëm.”
Ne takimin kundër ekstremizmit, Haradinaj pohoi se duhet t’i jepet fund tolerancës së ideve ekstremiste që çojnë në terrorizëm. Ai shtoi se institucionet e vendit duhet të jenë të vendosura që të parandalojnë përhapjen e ideologjive ekstremiste.
