Kryeministri Ramush Haradinaj pas mbledhjes së qeverisë ka deklaruar se është takuar këtë të martë me kryetarin e Kuvendit të Kosovës Kadri Veseli për caktimin e seancës për shqyrtimin e Platformës për Dialogun Kosovë-Serbi, por jo edhe për tema tjera.
“Qëndrimet e mia i dini të gjitha lidhur me taksën. Pajtohem me Veselin që asnjë qeveri nuk mund t’i rrezikojë raportet më Amerikën. Unë e kuptoj një dëshirë për të ofruar një dalje, mirëpo arsye pse mbaj një qëndrim të tillë janë serioze dhe vendimin qeveritar e mbroj”.
Gjithashtu ai ka folur edhe për dialogun Kosovë-Serbi ku ka theksuar se fajtor për mos vazhdimin e këtij procesi është kryekëput Serbia.
Haradinaj ndër të tjera knë këtë deklaratë për mediat ka folur edhe për raportet e tij me presidentin Hashim Thaçi, duke thënë se përçarja për taksën ndaj Serbisë po paraqet probleme dhe mos unifikim ndërmjet faktorit politik të brendshëm.
