Kandidati për kryeministër i koalicionit parazgjedhor PAN, Ramush Haradinaj, priti në takim shefen e Zyrës së BE-së dhe Përfaqësuese e Posaçme e BE-së në Kosovë, Natalia Apostolova.
Ata biseduan për procesin e krijimit të institucioneve të reja në vend pas certifikimit të rezultateve nga Komisioni Qendror Zgjedhor, dhe për proceset e integrimeve euro-atlantike për Kosovën e rëndësinë e përshpejtimit të zbatimit të Agjendës së Reformës Evropiane në rrugën e integrimeve.
Haradinaj tha se Kosova shumë shpejt do të formojë institucionet e reja në përputhje të plotë me vullnetin e shprehur të qytetarëve në zgjedhjet e 11 qershorit, si dhe theksoi se agjenda e integrimeve euro-atlantike do të jetë në krye të prioriteteve në politikat dhe vendimmarrjen qeverisëse gjatë mandatit qeverisës katërvjeçar.
