Kryetari i shoqatës se biznesit të klubeve te natës Enri Jahaj ka reaguar pas vendimit për lejimim e muzikës pas orës 23:00.
Në një lidhje me skype në studion e lajmeve në Vizion Plus, Jahaj tha se ky ishte një vendim shumë i vonuar.
“Dalim si ai personi që ka qenë dy vjet në burg ose dy vjet në gjendje kome që nuk e di si do jetë bota. Kishim kohë që e prisnim këtë vendim, ishte shumë i vonuar. Ne jemi vendi i fundit që po e heqim këtë kufizim. Shpresojmë të kemi prirje sa më të mira nga turistët”, tha Jahaj.