Hapja e grup-kapitullit të tretë, reagon Marta Kos: Urime Shqipëri, një tjetër hap më afër BE-së

Komisionerja për Zgjerim në BE, Marta Kos, ka uruar Shqiëprinë për hapjen e grup-kapitullit të tretë, i cili përbëhet nga Konkurrueshmëria dhe Rritja Gjithpërfshirëse.

Në postimin e saj Kos thekson se kjo do të thotë një ekonomi më e fortë shqiptare në dobi të qytetarëve dhe një hap tjetër më afër BE-së

“Urime Shqipërisë për hapjen e Grupit 3 mbi konkurrueshmërinë dhe rritjen gjithëpërfshirëse sot! Kjo do të thotë një ekonomi më e fortë shqiptare në dobi të qytetarëve tuaj dhe një hap tjetër më afër BE-së. #ZgjerimiEU ka të bëjë me përparimin ditë pas dite”, shkruan Marta Kos në rrjetin social X.

Kujtojmë që sot u zhvillua konferenca e pestë ndërqeveritare Shqipëri-BE në Bruksel, në të cilën u hap Grup-Kapitulli i tretë.

Me anë të një postimi në rrjetet sociale, Ministri i Punëve të Jashtëme dhe Europës, Igli Hasani theksoi se me hapjen e këtij grup kapitulli dëshmohet se sa shumë ka arritur Shqipëria brenda një kohe të shkurtër.

Në Konferencën ndërqeveritare, Shqipëria përfaqësohej nga ministri Hasani si dhe ministrja Adea Pirdeni.