Pika kufitare e Kapshticës u hap pjesërisht këtë të hënë. Njoftimin e dha vetë Stacioni i Policisë Kufitare Kapshticë, i cili konfirmoi se nga kjo pikë do të lejohet vetëm hyrja në Shqipëri.
Sipas njoftimit, përmes Kapshticës do të kenë mundësinë të kalojnë drejt Shqipërisë vetëm këmbësorët dhe mjetet e tonazhit të rëndë e kamiona mallrash.
Ndërsa autobusat, taksitë dhe çdo mjet tjetër i transportit të pasagjerëve nuk do të lejohet të kalojë. Kurse hyrja për në shtetin grek vijon të jetë e mbyllur.