Kërkesa e presidentit Donald Trump të premtem për shtyrjen e financimit të murit përgjatë kufirit mes Shteteve të Bashkuara dhe Meksikës, duke nënshkruar një ligj financimi tre-javor për rihapjen e agjensive qeveritare dhe për rikthimin në punë të 800 mijë punonjësve federalë.
Zyra për Menaxhimin dhe Buxhetin u dërgoi mbrëmë vonë një memorandum agjensive të mbyllura federale për t’i informuar se tashmë janë të hapura dhe se punonjësit mund të rikthehen në punë. Gjate kesaj mbyllje, fluturimet ajrore pësuan vonesa përgjatë bregut lindor të Shteteve të Bashkuara, pasi punonjësit e papaguar të sistemit të kontrollit ajror filluan të mos paraqiten në punë…
Ndërkohë ky akumulim problemesh detyroi Presidentin Trump të rihapë qeverinë deri më datën 15 shkurt, por pa një financim për murin kufitar.
“Gjatë 21 ditëve të ardhshme, pres që si demokratët edhe republikanët do të veprojnë në mirëbesim. Kjo është një mundësi për të dyja palët të punojnë së bashku për të mirën e kombit tonë të pacënuar, të bukur dhe të mrekullueshëm”.
Pritet që gjatë këtyre 21 ditëve punonjësit federalë të paguhen dhe ligjvënësit do të negociojnë për një marrëveshje për sigurinë kufitare, për të cilën Presidenti tha qartë se duhet të përmbajë një mur kufitar.
Rënia dakort nga Presidenti Trump për të rihapur qeverinë dhe për të diskutuar sigurinë kufitare, ishte kërkuar nga demokratët gjatë gjithë ngërçit historik që zgjati 36 ditë.
