Vendi
Hapen dyert për shkollën e policisë, zbuloni kriteret e përzgjedhjes
Ilustrim · Vizion Plus
Policia e Shtetit nga 1 shkurti do të nisë procedurat për rekrutimin e 100 studentëve që kanë përfunduar universitetin.
Sipas njoftimit të policisë, pjesë e kritereve të përzgjedhjes dhe pranimit të kandidatëve janë:
-.mesatarja e notave mbi 8;
– nivel i mirë i gjuhës angleze, që do të verifikohet me provim;
– kondicion trupor dhe fizik i përshtatshëm.
Ndërkohë pranimi do të bëhet nga degët jurisprudencë, ekonomi, financë, informatikë dhe elektronikë. Gjithashtu kandidatët duhet të kenë përfunduar studimet në nivelin master.
Kjo hapje e Policisë për të marrë studentë të ekselencës bëhet pas ndryshimeve në ligjin për Policinë e Shtetit. Hapja synon afrimin e kapaciteteve profesionale për strukturat e hetimit të policisë kriminale.
