Hanes Svoboda vlerëson punën e qeverisë

Ish-europarlamentari Hanes Svoboda mbështet afrimin e Shqipërisë dhe vendeve te Ballkanit Perëndimor me Bashkimin Europian. Gjate nje konference me kryeministrin Rama, ku ishin te pranishëm diplomate, profesorë, studente e gazetare, Svoboda nënvizoi rëndësinë e reformës ne drejtësi, për te mirën e vendit dhe shqiptareve. Nje nga kritiket e Edi Rames kur ishte ne opozite, sot ish-europarlamentari shpreh vlerësime per reformat e kryera nga qeveria e drejtuar prej tij. Ndërsa vete kryeministri Edi Rama i ka kujtuar Svobodes ndërmjetësimin e tij per takimin me kryeministrin e atëhershme Sali Berisha ne restorant “Krokodili”. Me batute, Rama tha se emri i restorantit nuk solli mbarësi per takimin, pasi krahas krokodilit te lokalit, ndodhej dhe një krokodil tjetër.