Han përshëndet vendimin e Zaev

Eurokomisioneri për zgjerim Johanes Han ka përshëndetur qëndrimin e partisë më të madhe opozitare, LSDM, për të vijuar punën në qeverinë teknike dhe në kuvend deri në 24 shkurt, duke lënë afat dhe për plotësimin e kushteve të saj për zgjedhjet. Komentin e tij zyrtari i lartë i Brukselit e ka bëre në rrjetet sociale, ku ndër të tjera ka inkurajuar palët të zbatojnë një nga kriteret siç është ajo e pastrimit të listave zgjedhore. Eurokomisioneri paralajmëroi gjithashtu se do të zhvillojë një vizitë në Shkup në muajin shkurt.
Më herët opozita nën drejtimin e Zoran Zaev bëri një hap pas ne qëndrimin e saj, duke u lënë më shumë kohë grupit të punës për përmbushjen e kushteve që garantojnë një proces të drejtë zgjedhor. Por Zaev paralajmëroi se partia e tij do të bojkotojë zgjedhjet e 24 prillit, nëse kushtet e tij nuk plotësohen.