Halimi: Rama pengoi konsensusin

Deputeti demokrat Eduard Halimi akuzoi kryeministrin Rama per pengese te arritjes se konsensusit per reformën ne drejtësi. Ne nje deklarate te posaçme pasditen e se premtes, pas mbylljes se diskutimeve ne komisionin e posaçëm parlamentar, Halimi thotë se Rama urdhëroi deputetët e tij që të mos pranojnë kërkesën e opozitës për hartimin e një drafti konsensual. “Vendimi i sotëm i Ramës që dërgoi një draft të vetin, jo transparent, të pakonsultuar me askënd, të hartuar me urdhër politik, që injoron me arrogancë rekomandimet e Venecias, ishte dëshmi e vullnetit të keq për t’i ikur Venecias, për t’i ikur konsensusit sipas standardeve të Venecias”, shprehet Halimi. Sipas tij, opozita tregoi edhe njëherë sot në komision vullnetin e mirë për një reformë konsensuale bazuar në rekomandimet e Venecias.