“Hakmerret” SHBA, dëbon dy diplomatët rusë
Shtetet e Bashkuara dëbuan dy diplomatë rusë nga ambasada në Uashington, sipas Departamentit të Shtetit.
Ky vendim është në përgjigje të dëbimit të papritur nga Rusia të dy diplomatëve të Ambasadës së SHBA-së në Moskë muajin e kaluar. Lajmi u njoftua nga një zëdhënës të premten, duke shtuar se Departamenti i Shtetit reciprokoi duke dëbuar dy zyrtarë të ambasadës ruse që vepronin në Shtetet e Bashkuara.
“Departamenti nuk do të tolerojë modelin e qeverisë ruse të ngacmimit të diplomatëve tanë,” tha zëdhënësi në një deklaratë të dërguar me email. “Veprimet e Departamentit dërgojnë një mesazh të qartë se veprimet e papranueshme kundër personelit të Ambasadës sonë në Moskë do të kenë pasoja.”
Muajin e kaluar, zëdhënësi i Departamentit të Shtetit, Matthew Miller, paralajmëroi se SHBA-të do t’i përgjigjen “me shpejtësi” dëbimit të dy diplomatëve amerikanë nga Rusia.
