Faqja zyrtare e Policisë së Shtetit është sulmuar mbrëmjen e djeshme nga një grupi i hakerave i vetëquajtur “Anonymous Albania”. Nëpërmjet një postimi në profilin e tyre me te njëjtin emër në rrjetin social ‘facebook’, autorët e këtij sulmi kanë dhënë edhe arsyen e këtij akti. Ata thonë se e kanë ndërmarre këtë veprim për shkak të policëve të shumtë të korruptuar që nuk arrestojnë deputetë e parlamentarë të përfshirë në krime.
