Komisionari për Zgjerim në Bashkimin Evropian, Johannes Hahn, është takuar këtë të hënë me presidentin serb, Aleksandër Vuçiç, ku ka folur rreth vendimit të Kosovës për vendosjen e taksës.
Pas takimit Hahn është shprehur se vendimi i Kosovës për vendosjen e taksës 100 për qind ndaj produkteve serbe dhe atyre të Bosnjës dhe Hercegovinës pengon bashkëpunimin rajonal.
“Takim i mirë me presidentin e Serbisë, Aleksandër Vuçiç në Beograd, ku diskutuam për vendimin e Kosovës për vendosjen futjen e tarifave mbi mallrat nga Serbia dhe Bosnja e Hercegovina, e cila pengon CEFTA-n dhe bashkëpunimin rajonal. Ne ramë dakord për nevojë urgjente për de-përshkallëzim”.
