Komisioni Europian do të rekomandojë në muajin maj hapjen e negociatave për anëtarësimin e Shqipërisë dhe Maqedonisë së Veriut në BE.
Komisioneri për Zgjerim, Johannes Hahn deklaroi gjatë punimeve të Komitetit Parlamentar të PE për Punët e Jashtme se reformat e ndërmarra nga të dyja vendet kanë pasur një ecuri pozitive deri më tani pavaresisht situates politike.
“Në Komision, në fund të majit do të prezantojmë progresraportet për vendet e rajonit (Ballkani Perëndimor), plus Turqinë. Pres, që mbi bazat e asaj që kemi parë, të bëjmë një rekomandim pozitiv për hapjen e negociatave të anëtarësimit me Maqedoninë dhe Shqipërinë. Në Ballkanin Perëndimor është bërë një progres shumë i rëndësishëm. Në afatgjatë, kur shohim arritjet, është e vërtetë që ka edhe hapa pas, por në afatgjatë vërejmë progres shumë të rëndësishëm në ekonomi, në sundimin e ligjit apo në procesin e ripajtimit”.
