Nuk do të ketë hapje negociatash për Shqipërinë dhe Maqedonin e Veriut.
Në një postim në Twitter, komisioneri Johannes Hahn duke e cilësuar si një zhgënjim ekstrem shprehet se liderët e BE nuk arritën dakordësimin për hapjen e negociatave për dy vendet e Ballkanit.
“Udhëheqësit e #EU nuk arritën të zbatojnë angazhimin e tyre për të hapur negociatat # hyrëse me #NorthMacedonia dhe #Albania në #EUCO. Kjo është një çështje zhgënjimi ekstrem. #EU #MS tani duhet të sqarojë se sa serioz është angazhimi i tyre për integrimin e #WesternBalkans #EU.”
Komisioneri ka shprehur falenderime më tej për të gjithë vendet që luftuan dhe mbështetën tezën për integrimin e Shqipërisë e Maqedonisë së Veriut.
“Falënderoj të gjithë ata që natën e kaluar vunë gjithë peshën e tyre për të arritur një vendim me rëndësi të madhe #strategjike për #EU dhe luftuan për dërgimin e një sinjali të # shpresës tek qytetarët e #WesternBalkans.”
Sipas tij ky vendim I BE nuk është një moment lavdie pasi pritet që të ketë pasoja negative. Pasoja që sipas komisionerit nuk përjashtojnë edhe rrezikun e një destabiliteti.
“Siç u tha tashmë në Luksemburg: Ky nuk është një moment lavdie për #EU. Për të refuzuar njohjen e përparimit të provuar do të ketë pasoja negative, përfshirë rrezikun e destabilizimit të #WesternBalkans, me ndikim të plotë në #EU.”
#EU leaders failed to live up to their commitment to open #accession negotiations with #NorthMacedonia and #Albania at #EUCO. This is a matter of extreme disappointment. #EU #MS now need to clarify how serious their commitment is to the #WesternBalkans’ #EU integration. 1/4
— Johannes Hahn (@JHahnEU) October 18, 2019
