Hahn për procesin e reformës së drejtësisë në Shqipëri

Bashkimi Europian nxit palët politike ne Tirane te përshpejtojnë dialogun per reformën ne drejtësi. Ne nje deklarate zyrtare, komisioneri per zgjerimin Johanes Hahn përshëndet punën e bere deri me tani me mbështetjen e eksperteve te huaj. “Një miratim i shpejtë i reformës dhe zbatimi i saj pasues është tashmë kyç. Kjo jo vetëm që do t’i përgjigjej mbështetjes së madhe publike në Shqipëri për reformimin e sistemit të drejtësisë, por do të sinjalizonte gjithashtu një angazhim të qartë ndaj standardeve evropiane dhe procesit të integrimit evropian” – shkruan zyrtari i larte i BE-se. Me tej, eurokomisioneri Hahn thekson se tani është me rëndësi të bëhet dhe kilometri i fundit dhe të sigurohet shumica prej dy të tretash që nevojitet për ndryshimet përkatëse kushtetuese. Prandaj – thekson komisioneri – i nxis të gjitha palët, përfshirë opozitën, që ta vendosin interesin e vendit të tyre dhe atë të qytetarëve mbi interesat e tyre individuale dhe të gjejnë kompromise për çështjet e mbetura politike, pa kompromentuar thelbin e draft reformës të pranuar ndërkombëtarisht. Ditët e ardhshme do të vendosin nëse Shqipëria do të përparojë drejt kampionatit evropian apo nëse do të qëndrojë në fazën e grupeve.