Ne kohen kur është shpallur data e zgjedhjeve parlamentare ne Maqedoni, nje paralajmërim i forte vjen nga BE. Ndërkombëtaret, nuk do ta njohin qeverinë e re, nese zgjedhjet do te mbahen pa plotësimin e të gjitha kushteve, per te cilat kishin rene dakord partite kryesore ne Marrëveshjen e Përzhinos. Komisioneri per Zgjerimin Johannes Hahn, i cili ka qene mjaft aktiv ditet e fundit, tha se Brukseli eshte i zhgënjyer nga zhvillimet ne Maqedoni.
“Nëse nuk punojnë bashkërisht dhe nëse nuk do të ketë zgjedhje të drejta, shteti, qeveria e re nuk pranohet dhe nuk do te njihet ndërkombetarisht. Të gjithë duhet ta dinë se çfare po rrezikohet”.
Megjithate, Brukseli nuk do t’i ndale përpjekjet per tejkalimin e krizës, ku eshte përfshirë vendi.
“Une dhe anëtaret e Parlamentit Europian do te perpiqemi serish t’i ulim palet ne tryeze, pasi demokraci do te thote kompromis. Nuk duhet te kemi rrahje gjoksi per ate se kush eshte fitues e kush humbës. U bej thirrje politikaneve dhe shoqërisë civile te ulen ne tryezën e negociatave dhe te ndjekim perspektiven europiane te vendit”.
Tensioni ne Maqedoni është rritur ditët e fundit, pas vendimit te opozitës per te bojkotuar zgjedhjet, por edhe te presidentit Ivanov per te ndërprere hetimet per politikanet e inkriminuar, çka ka sjelle protesta ne vend.
