Komisioneri i Bashkimit Evropian për Zgjerim, Johannes Hahn pritet te mbërrije sot në Kosovë. Ai do të takohet me presidentin Hashim Thaçi, kryetarin e kuvendit Kadri Veseli, kryeministrin Ramush Haradinaj si dhe liderët e opozitës.
Fokusi kryesor do të jetë vendimi i qeverisë së Kosovës për vendosjen e taksës 100 përqind për mallrat nga Serbia dhe Bosnja e Hercegovina. Zyrtari i larte i Brukselit pritet te përsërisë thirrjen për heqjen e tarifës dhe të theksoje domosdoshmërinë për përmirësimin e marrëdhënieve mes Prishtinës dhe Beogradit. Vendimi për vendosjen e taksës nga Kosova për produktet serbe dhe boshnjake është kundërshtuar më herët edhe nga shefja e diplomacisë se unionit Federica Mogherini.
