Hahn, kritika Rames e Thaçit

Komisioneri per zgjerimin Johannes Hahn ka tërhequr vëmendjen për deklaratat e fundit te kryeministrit Rama dhe presidentit te Kosovës Thaçi. Pak ditë më parë, Rama tha se dështimi i integrimit ne BE te Ballkanit Perëndimor, do te çonte ne krijimin e unioneve te vogla. Hahn u shpreh pas një takimi në Bruksel me ministrin e jashtëm serb, Ivica Daçiç se deklaratat që flasin për ndryshime kufijsh janë te papranueshme, të panevojshme dhe kundërproduktive.

Zyrtari i BE e vuri theksin tek rëndësia e marrëdhënieve të mira fqinjësore, ku të gjithë të bashkëpunojnë dhe të ndihmojnë në zhvillimin e mëtejshëm të rajonit. Komisioneri Hahn tha gjithashtu se suksesi i negociatave të Serbisë drejt anëtarësimit në BE, varet edhe nga dialogu mes Prishtinës dhe Beogradit.