Komisioneri për zgjerim i Bashkimit Evropian, Johannes Hahn takoi presidentin serb, Aleksandar Vuçiç. Nga Beogradi ai deklaroi se Kosova është çështje e rëndësishme, por jo e vetmja për përparimin e Serbisë në rrugën e integrimit në BE.
“Është e qartë se kjo është një çështje aktuale, por nuk është vetëm ajo e rëndësishme për përparimin e Serbisë në rrugën e euro-integrimit. Ka edhe elemente të tjera që janë të rëndësishme. Sundimi i ligjit ëshë në zemër të negociatave me BE-në. Ai përcakton shpejtësinë e procesit të anëtarësimit në BE”.
Ndër të tjera në këtë takim u diskutua dhe për marrëdhëniet Prishtinë Beograd, ku Vuçiç nuk është optimist për rezultatin e dialogut në Bruksel. Sipas tij jo gjithçka është në dorë të Serbisë.
Presidenti Vuçiç ndër të tjera theksoi dhe rëndësinë e këtyre bisedimeve në ruajtjen e paqes dhe të stabilitetit në rajon edhe se Serbia është gati për kompromis.
