Komisioneri për zgjerim Johannes Hahn, në prag të vizitës së tij nëShkup ka deklaruar se, nëse referendum i 30-shtatorit dështon, atëherë dera e BE-së do të mbyllet për dekada.
“Nëse tani nuk shfrytëzohet kjo mundësi, jam përafërsisht i sigurt se dera do të mbyllet për dekada me radhë, nëse jo përgjithmonë. Në politikë duhet të tregohet kujdes, por në të ardhme të parashikueshme do të jetë e mbyllur dhe kjo do të jetë e dëmshme për qytetarët e vendit”.
Gjithashtu ai ka theksuar vendi mund të fillojë negociatat për anëtarësim në BE në mes të 2019-tës, nëse paralelisht me zbatimin e Marrëveshjes për emrin i përmbush edhe reformat e nevojshme.
