“Habilaj”, Gjebrea: S’kam dëshmuar

Deputetja socialiste Elona Gjebrea, mohon se është thirrur nga Prokuroria e Krimeve të Rënda për të dëshmuar mbi dosjen “Habilaj”. E kontaktuar nga Vizion Plus, Gjebrea, e cila gjatë mandatit të parë së qeverisë “Rama”, ka mbajtur postin e zv/ministres së brendshme, tha se nëse organi i akuzës do t’i kërkojë të dëshmojë,  ajo është e gatshme. “Nuk kam marrë asnjë thirrje nga Prokuroria për të dëshmuar. Nëse do të ketë një të tillë, unë jam e hapur për të dëshmuar në çdo moment”, u shpreh Gjebrea.