Guvernatori i Floridës shpall kandidaturën për presidencialet në SHBA, reagim i shpejtë nga stafi i Trump
Guvernatori i Floridës, Ron DeSantis, do të hyjë zyrtarisht në garën presidenciale të vitit 2024 në Shtetet e Bashkuara të Amerikës. Mediat amerikane zbulojnë se DeSantis do të publikojë vendimin e tij gjatë një bisede me CEO-n e Twitterit, Elon Musk, të planifikuar këtë pasdite.
Menjëherë pas shpalljes së kandidaturës, Ron DeSantis do të publikojë edhe një video të nisjes së fushatës së tij elektorale. Guvernatori i Floridës është pjesë e një liste në rritje të pretendentëve republikanë, për të garuar për zgjedhjet e vitit 2024.
Ai shihet edhe si sfiduesi kryesor i Donald Trump, për të fituar garën fillimisht brenda Partisë Republikane dhe më pas për të garuar me Joe Biden në zgjedhjet e 2024-ës.
Ronald Dion DeSantis është një ish-ushtarak, që ushtron detyrën e guvernatorit të Floridës që prej 2019-ës, teksa gjatë karrierës së tij politike ka qenë pjesë e Kongresit për tre mandate radhazi, nga 2012-a deri në 2018-ën. Ai u bë veçanërisht i njohur në periudhën e pandemisë, kur i rezistoi aplikimit të shumë masave për parandalimin e përhapjes së koronavirusit, si dalja me maska, urdhri i vaksinimit, apo izolimi në shtëpi.
