Sekretari i Përgjithshëm i OKB-së, Antonio Guterres ka zhvilluar një vizitë zyrtarë në moskë për të gjetur një zgjidhje për hapjen e korridorëve humanitare në qytetin e shkatërruar të Mariupolit. Në një konferencë të përbashkët me ministrin e Jashtëm, Sergei Lavrov, Guterres shprehu gatishmërinë e organizatës për të siguruar evakuimin e civilëve nga qyteti port jugor.
“Unë në Moskë po vij si një ‘lajmëtar i paqes’. Objektivi im është të shpëtojë jetë dhe të reduktojë vuajtje. Unë kisha një diskutim shumë të sinqertë me Lavrov edhe pse kishim dy qëndrime të ndryshme për atë që po ndodh në Ukrainë. Ne e kuptojmë se përballemi me një krizë në Mariupol. Mijëra civilë kanë nevojë urgjente për ndihmë humanitare – për evakuim. Kombet e Bashkuara janë të gatshme të mobilizojnë plotësisht burimet e saj njerëzore dhe logjistike për të ndihmuar në shpëtimin e jetëve në Mariupol.”
Edhe pse pranoi të bashkëpunojë me OKB-në dhe kryqin e kuq për të krijuar korridore humanitarë në qytetet ukranase, Lavrov nënvizoi se nuk do të ketë bisedime për Mariupolin.
“Ne jemi të gatshëm të punojmë së bashku me OKB-në dhe Kryqin e Kuq për të lehtësuar një përgjigje humanitare në Ukrainë. Por, ne nuk do pranojmë të ulemi në tryezë me zyrtarët ukrainas, ata ndoshta donin të krijonin një tjetër “skenë” tronditëse. Kërkesa e tyre për bisedime është një gjest teatror. Nëse flasim për qëndrime serioze për të punuar si pjesë e bisedimeve, ata më mirë t’i përgjigjen propozimeve tona sa më shpejt të jetë e mundur,”
Më herët, Lavrov, në një intervistë për mediat vendase tha se bota nuk duhet të nënvlerësojë rreziqet e konsiderueshme të një konflikti bërthamor.
