Ish-kryeministri portugez Antonio Gutierres është nominuar unanimisht në Këshillin e Sigurimit të Kombeve të Bashkuara për të pasuar Ban Ki Moon si sekretar i përgjithshëm. Votimi i kandidaturës së tij do të ndodhë javën e ardhshme në Asamblenë e Përgjithshme. 67-vjecari Gutierrez vjen pas një karriere të suksesshme dhjetë vjeçare në Agjencinë e Refugjateve në Kombet e Bashkuara dhe si ish-kryeministër i Portugalisë. Vetë sekretari i përgjithshëm Ban Ki Moon ka deklaruar se Gutierres ka përvojën dhe njohuritë e duhura në marrëdhëniet ndërkombëtare për të patur një post të tillë.
