Partia Demokratike ka çuar në Prokurorinë e Posaçme Anti-Korrupsion kallëzimin për inceneratorin e Tiranës. Padia është depozituar ndaj kryeministrit Edi Rama, Arben Ahmetajt, Lefter Kokës, Erion Veliajt, Klodian Zotos dhe Mirel Mërtirit. Sipas demoktaëve, këto janë përgjegjësit që fshihen pas aferës me inceneratorin.
Kallëzimi është për veprën penale të shpërdorimit të detyrës, shkelje të barazisë të pjesëmarrësve në tendera dhe krijim të grupit të strukturuar kriminal dhe të ushtrimit të detyrës publike.
Po ashtu, PD paralajmëroi se në ditët në vijim do të bëjnë denoncimin edhe për inceneratorët e tjerë.
