Ish-kryeministri maqedonas, Nikolla Gruevski duket se është larguar edhe nga Hungaria.
Sipas agjencisë së lajmeve “Focus”, Gruevski mund të jetë larguar drejt Rusisë ose Turqisë me aeroplanin e një biznesmeni të afërt me kryeministrin hungarezë, Viktor Orban.
Ish-kryeminsitri maqedonas kërkoi së fundmi azil politik në Hungari pas shpalljes së kërkesës për arrest nga policia maqedonase.
Pak ditë më parë ai u arratis nga Maqedonia, në drejtim të Hungarisë, ku dyshohet se u ndihmua nga organet hungareze për të kaluar ilegalisht në Shipëri, Mal të Zi dhe Serbi.
Qeveria hungareze, pas këtij veprimi, u akuzua nga mediat se ka shkelur ligjin duke kaluar ilegalisht ish-kryeministrin Gruevski.