Grip shpendësh edhe në Shkodër, groposen dhjetëra pula

Një rast pozitiv me gripin e shpendëve rezulton edhe në qarkun e Shkodrës. Prefektja Majlinda Angoni, bëri me dije se rasti është zbuluar në një fermë private, teksa kanë rezultuar pozitivë me sëmundjen 70 pula dhe janë groposur.

Për këtë, u zhvillua një takim për marrjen e masave për kontrollin e sëmundjes së shpendëve. Angoni shtoi se të shtunën dhe të dielën do të ketë kontrolle të shtuara në tregje.

Ajo tha se u është lënë detyrë bashkive të përcaktohet vendi, ku do të groposen shpendët nëse ka raste të tjera.