Ish-deputetja e Partisë Demokratike, Grida Duma reagoi për vendimin e ministrave të Jashtëm të BE për të shtyrë Konferencën Ndërqeveritare me Shqipërinë.
Duma ja la fajin për këtë vendim mazhorancës. Ajo u shpreh në “Facebook” se vendi ynë do të marrë vendim pozitiv vetëm kur të zhvillojë zgjedhje të lira.
“Pa zgjedhje të lira nuk ka hyrje në Europë! Kodi zgjedhor i njëanshëm dhe mosfunksionimi i Gjykatës Kushtetuese, bënë t’ia përplasin derën në fytyrë Ramës. Dështimet e njëpasnjëshme të Ramës për të 7 -tin vit e lënë Shqipërinë jashtë pragut të Europës. Negociatat u shtynë! Shqipëria vonohet në histori. Shqiptarët largohen e lënë vendin. Shkaktari, mëkatari, feston si një Judë dështimin si sukses!”
