Shkon në 89 numri i personave të prekur nga koronavirusi në Greqi.
Rastet e reja të orëve të fundit mësohet se janë 5, nga të cilët katër janë persona të afërm të pacienteve të mëparshëm me koronavirus ndërsa një tjetër është rast I vecuar.
Bëhet fjalë për një person që sapo ishte kthyer nga Londra.
Bëhet e ditur se një 66 vjecar i shtruar prej ditësh në spitalin Universitar RIO në Athinë ndodhet në gjëndje kritike tashmë.
Autoritetet greke shqetësim më të madh shohin zbulimin e katërt rasteve pak ditë më parë që ende nuk dihet se nga kush janë infektuar.
Për këto raste nuk është dokumentuar asnjë histori ekspozimi, dhe procesi i hetimit epidemiologjik dhe gjurmimit të kontakteve të tyre është duke vazhduar nga autoritetet shendetësore greke.
