Ballkani Perëndimor duhet të integrohet në familjen e madhe të Bashkimit Evropian. Deklarata vjen nga ministri i Jashtëm i Greqisë, Nikos Dendias, i cili gjatë një deklarate të përbashkët me homologune tij serb, Nikola Selakoviç, tha se Greqia do të vijojë perpjekjet për zhvillimin e Konferencës së Parë Ndërqeveritare për Tiranën dhe Shkupin.
NIKOS DENDIAS
MINISTER I JASHTËM NË GREQI
“Ne mbështesim procesin e anëtarësimit të Shqipërisë dhe Maqedonisë së Veriut dhe do të vazhdojmë përpjekjet tona për të thirrur sa më shpejt Konferencën e parë Ndërqeveritare. Integrimi i Ballkanit Perëndimor në familjen evropiane është e vetmja rrugë për të ecur para. Dhe në këtë drejtim, Greqia, do të vazhdojë të japë ndihmën e saj, të bëjë përpjekje dhe të vazhdojë të punën për të ecur në këtë drejtim.”
Ministri grek u ndal edhe tek marrëdheniet mes Kosovës edhe Serbisë, ku, sipas tij, të dy vendet duhet të vazhdojnë dialgun në mënyrë konstruktive.
“Për çështjen e Kosovës, unë shpreh kënaqësinë e qeverisë greke për uljen e tensionit në veri ndërsa theksoi mbështetjen tonë ndaj punës e të dërguarit special për dialogun Beograd-Prishtinë. I bej thirrje të gjitha palëve që të dalin në mënyrë konstruktive, në takimin e radhës, i cili do të zhvillohet pas disa javësh.”
Ndërkohë, Dendias shprehu edhe shqetësimin e tij për zhvillimet në Bosnje-Hercegovin, ku Greqia kundërshton kategorikisht ndryshimin e kufijve.
“Jam shumi shqetësuar për zhvillimet në Bosnje-Hercegovinë dhe më duhet të them se vështirësitë me të cilat po përballet vendi kërcënojnë jo vetëm ekuilibrit të vetë por edhe të gjithë stabilitetit të rajonit tonë. Unë përsërita kundërshtimin e palëkundur të vendit tonë ndaj forcave që mund të dëshirojnë të rivizatojnë hartën e rajonit tonë.”
Sipas diplomatit grek, këto ideologji janë krijuar nga persona të cilët përdorin traditat historike kulturore apo fetare për të promovuar destabilizimin në rajon.
