Kamionët dhe mjetet te tjera te tonazhit te rende nuk do të lejohet të kalojnë nga Kapshtica drejt Greqisë përgjatë gjithë ditës së dielë.
Lajmi është konfirmuar nga Drejtoria Vendore e Kufirit dhe Migracionit Korçë dhe arsyeja sipas njoftimit të dhënë nga pala greke është prezenca e madhe e akullit në rrugë.
Madje saktësohet se do të lejohet vetëm kalimi I mjeteve të vogla dhe autobuzeve vetëm me perdorim zinxhirësh.
Njoftohemi nga pala greke në Pikën e Kalimit Kufitar Kapshticë, se në datën 05.01.2020, nga ora 06:00 deri në orën 23:59 të datës 06.01.2020, nuk do të lejohet kalimi i mjeteve të tonazhit të rëndë (kamionë) në drejtim të Greqisë, për të shmangur problemet dhe vështirësitë në qarkullim, si pasojë e prezencës të akullit në rrugë. Do të lejohet kalimi i autoveturave dhe autobusëve të cilët duhet të jenë të pajisur me zinxhirë.
Policia Kufitare, apelon drejtuesit e mjeteve të tonazhit të rëndë, që kanë planifikuar lëvizjen për në shtetin grek nëpërmjet pikës kufitare Kapshticë, ta shmangin ose të përdorin pikat e tjera të kalimit kufitar me Greqinë, deri në normalizimin e situatës.